Afrikaans 
English Graad R Kampus
Welkom by ons Graad R kampus. Ons is ‘n trotse deel van Laerskool Panorama. Die doelwit van ons Graad R kampus is om ‘n speel en leeromgewing te skep, wat inspirerende aktiwiteite en geleenthede aan kinders voorsien, sodat hulle op ‘n holistiese manier kan ontwikkel.
Daar is 3 verskillende aspekte van ontwikkeling vir kinders van alle ouderdomme:
- Sosiale/Emosionele ontwikkeling – Dit sluit ontwikkeling van gevoel en emosie, asook sosiale vaardighede in.
- Kognitiewe ontwikkeling – Dit sluit ontwikkeling van die verstand en denkvaardighede in.
- Fisiese ontwikkeling – Dit sluit ontwikkeling van die liggaam en motoriese vaardighede in.
Die daaglikse program sluit in:
Temabesprekings
Taal en Wiskundige konsepontwikkeling
‘n Wye reeks skeppende aktiwiteite
Musiek en beweging
Konstruksie en verbeeldingspel
Opvoedkundige speletjies en legkaarte
Stories
Na skool word verskeie buitemuurse aktiwiteite deur professionele persone aangebied:
Ballet.
Click-A-Mouse (Computer skills).
Gymnastics.
Karate.
Mini-Rugby (Winter).
Teddy Tennis.
Music Enrichment.
Playball.
Balvaardighede word aangebied vir leerders wat nie aan bogenoemde buitemuurse aktiwiteite wil deelneem nie.
Ons bied ses klasse vir graad R aan: vier Engels en twee Afrikaans. Ses onderwysers, vier assistente, een sekretaresse, een nutsman/tuinier en twee algemene assistente/skoonmakers vorm ons entoesiastiese, toegewyde en deernisvolle span.
Skoolure:
Graad R: 07:45 – 12:30 (Somer en Winter)
Hekke maak oop om 7:30
Ons sien uit daarna om u en u kind te verwelkom en om dit die begin van ‘n gelukkige en produktiewe toekoms te maak. Indien u enige verdere inligting verlang is u welkom om ons sekretaresse te bel by (021)558 7718.
