Afrikaans 
English Meer Oor Ons
Leerders:
Laerskool Panorama het n totaal van 1571 leerders; 1399 in die hoofstroom en 172 Graad R leerders. Ons het onlangs een Afrikaanse Graad RR klas begin, Kleine Valkies, as n addisionele diens aan ons gemeenskap.
Waardegedrewe skool:
By Laerskool Panorama kom studente uit verskeie kulture, rasse en gelowe. Ons is trots daarop om 'n multikulturele skool te wees met 'n parallelle medium van onderrig. Laerskool Panorama is gegrond op 'n sterk, waardegedrewe etos. Ons waardes is BETROUBAARHEID, RESPEK, LOJALITEIT, OMGEE, REGVERDIGHEID en VERANTWOORDELIKHEID.
Personeel:
Skoolhoof Anton Mostert, met die ondersteuning van die Beheerliggaam, lei 'n span van 130 personeellede, insluitend opvoeders, spesialisopvoeders, assistent-onderwysers, 'n buitemuurse koördineerder, 'n netwerkstelsel- en databasisadministrateur, nasorgpersoneel, administratiewe personeel, algemene werkers en 'n faktotum.
Leerondersteuningsdepartement:
Laerskool Panorama het 'n Leerondersteuningsentrum met een Raadslid, drie remediërende onderwysers, 'n Didaktiese (Tutor) Ondersteuningspan van 16 onderwysers, 'n privaat Arbeidsterapeut en 'n privaat Spraak- en Taalspesialis
Laerskool Panorama beskik oor n ten volle toegeruste Leessentrum, ń Tegnologie klas en twee Robotika & Kodering klasse vir beide Grondslag en Intermediêr.
Ons het ons eie Kultuursentrum waar musiekonderrig aangebied word deur 2 permanente personeellede en 3 semi-private musiekonderwysers.
- Op kultuurgebied, beskik ons oor ‘n Kultuursentrum waar die orkeste en kore onderrig en afgerig word. Daar is ook vyf kleiner lokale vir kleingroep- en individuele onderrig in viool, klavier, blokfluit, tromme, marimba en ensamble.
- Die Musiekdepartement bied gereelde koorkonserte en kultuuraangeleenthede vir die leerders, asook 'n jaarlikse Koortoer na die Suidkaap.
Op sportgebied beskik ons oor vyf netbalbane, drie rugbyvelde, ‘n mini-hokkie astro asook ‘n hokkie astro van internasionale standaard. Al ons velde is toegerus met elektroniese telborde. Ons beskik ook oor ‘n Kondisioneringssentrum waar spelers voorberei word vir die sportspesifieke voorbereidings en uitdagings. Ons het ook ‘n Sportsentrum met konferensiefasiliteite en ‘n onthaallokaal.
Die skool bied ook die dienste aan van 'n snoepwinkel, klerewinkel en 'n nasorgsentrum, waar ons ongeveer 280 leerders kan akkommodeer onder toesig van ons bekwame personeel.
Veiligheid van ons leerders en personeel is van kardinale belang. Daar is 'n veiligheidsheining rondom ons skool met 'n veiligheidsbeampte wat die toegang tot die terrein by die hoofhek beheer. District Watch se veiligheidswagte en operasionele kamer, moniteer die fasiliteite 24 uur van die dag. Die skool word ook deur CCTV-kameras by elke ingang na die skool, by elke deur na die onderskeie graadgange, in elke gang asook op strategiese plekke op die speelgrond gemoniteer. Ons het onlangs draaistyl-hekke opgerig vir meer veiligheid.
Ons bied 'n wye verskeidenheid sportkodes en buitemuurse aktiwiteite aan, wat deur ons sportkoördineerder, asook twee hulp-koördineerders, gekoördineer word.
- Somersport sluit in krieket, mini-krieket, atletiek en tennis.
- Wintersport sluit in rugby, hokkie en netbal.
- Skaak vir juniors en seniors.
- Wintersporte sluit in rugby, hokkie, netbal. Tag-rugby word ook vir die dogters aangebied. Professionele afrigting word aangebied in verskillende sportkodes, (ook privaat).
- Laerskool Panorama het 'n pragtige nuutgeboude Sportsentrum en Onthaalarea.
- Ons spanne word professioneel gekondisioneer in ons Falkon Konditioneringsentrum, wat ten volle toegerus is vir die spesifieke behoeftes van die verskeie sportsoorte.
Ons is baie trots op ons hoë-gehalte fasiliteite, wat ons een van die mees toegeruste skole maak in die Weskaap. Ons beskik oor toegewyde en uitstekende personeel, en die beste geleenthede vir elke leerder.
